በኢትዮጵያ ግዛት የሚንቀሳቀሱ የኤርትራ መንግስት ተቃዋሚዎች ሥጋት ውስጥ ነን አሉ

Wednesday, 11 July 2018 12:45

በኢትዮጵያ ግዛት ውስጥ የሚንቀሳቀሱ የኤርትራ መንግስት ተቃዋሚ ኃይሎች በኢትዮጵያ እና በኤርትራ መንግስት የተደረሰው የሰላም ስምምነትን ተከትሎ ሕልውናቸው ስጋት ላይ መውደቁን ለዝግጅት ክፍላችን ገለጹ።

ስማቸው እንዲጠቀስ ያልፈለጉ የኤርትራ መንግስት ተቃዋሚ ኃይሎች አመራር ለዝግጅት ክፍላችን እንደገለጹት፤ “የኤርትራ መንግስትን የሽብር ፖለቲካ ኢኮኖሚን ከኢትዮጵያ መንግሥት ጋር በጋራ ስንመክት ከርመን፣ አሁን ላይ የኢትዮጵያ መንግስት በተናጠል የወሰደው የሰላም ስምምነት፣ የኢትዮጵያ መንግስትን ለሰብዓዊ መብት፣ ለዴሞክራሲ እና ለነፃነት ያለውን ታማኝነት ጥያቄ ውስጥ የሚጥል ነው። ቢያንስ የኢትዮጵያ መንግስት ነፍጥ ላነሱበት ኃይሎች ምህረት በማድረግ ወደ ሰላማዊ ትግል እንዲገቡ ሁኔታዎችን አመቻችቶ ሲፈቅድ፣ የኤርትራ ተቃዋሚ ኃይሎች እጣፈንታ ምን ሊሆን ይገባዋል ብሎ አልመከረም። አላማከረንም። የሰላም ስምምነቱን ጠልተን ሳይሆን ሁሉን አቀፍ የሰላም ስምምነት ተደርጎ ቢሆን ለሁለቱም ሕዝቦች ጠቀሜታዉ ከፍተኛ መሆኑ በመረዳት ያቀረብነው ቅሬታ ነው” ብለዋል።

በኤርትራ መንግስት ላይ ነፍጥ አንስተው እየታገሉ ያሉ ኃይሎች አያይዘውም፣ “የአስመራ መንግስት ከለላ የሰጣቸው የኢትዮጵያ ተቃዋሚ ኃይሎች የቀረበላቸው የሰላም አማራጭ ጥሪ ሻዕቢያ ተቀብሎት በሰላም እየሸኛቸው ይገኛል። በአንፃሩ የኢትዮጵያ መንግስት እኛን በተመለከተ ምንም ዓይነት ውይይት ሳያደርግ ወይም የእራሳችን አማራጭ እንድንወስድ ሳያማክረን፣ ቢያንስ የግል ውሳኔያችን ለመጠቀም የሚያስችል የዝግጅት ጊዜ ሳይኖረን፤ ከኤርትራ መንግስት ጋር የሰላም ስምምነት ለማድረግ መወሰኑን ተከትሎ፣ ሕልውናችንን አደጋ ውስጥ ከቶታል” ብለዋል።

ስማቸው እንዳይጠቀስ ያልፈለጉት አመራርም አያይዘው ለዝግጅት ክፍላችን ያላቸውን የስጋት ደረጃ እንደገለጹልን፤ “ከዚህ በፊት ሻዕቢያና ሕወሓት ደርግን አሸንፈው ኢትዮጵያን ሲቆጣጠሩ በኢትዮጵያ ግዛት ውስጥ የነበሩትን የጀበሃ አመራሮችና አባላትን ቤት ለቤት እያሳደደ የሻዕቢያ ቡድን የፈጸመውን ግድያ የሚታወስ ነው። ነገም በኢትዮጵያ ውስጥ የምንገኝ የሻዕቢያ መንግስት ተቃዋሚ ኃይሎች ሊደርስብን የሚችለውን ዕጣ-ፈንታ ማንም አያውቀም። ስለዚህም በኢትዮጵያ ግዛት ውስጥ ተመሳሳይ ግድያ እንደማይፈጸምብን ዋስትናችን ምንድን ነው? ብላችሁ፤ ለኢትዮጵያ መንግስት ጥያቄያችን አድርሱልን” ብለዋል።¾  

ይምረጡ
(1 ሰው መርጠዋል)
365 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 1047 guests and no members online

Sendek Newspaper

Bole sub city behind Atlas hotel

Contact us