You are here:መነሻ ገፅ»ዜና

የሶማሊያ መንግስት የኢትዮጵያን የበርበራ ወደብ ሥምምነት ተቃወመ

Wednesday, 14 March 2018 12:47

 

የኢትዮጵያ መንግስት እንደዚሁም ዲፒ ወርልድ የበርበራ ወደብን ድርሻ በመውሰድ አልምተው ለመጠቀም በቅርቡ ከሶማሌላንድ ጋር የደረሱትን ስምምነት የሶማሊያ መንግስት የሚቃወም መሆኑን ገለፀ፡፡ 

 

እንደ አፍሪካን ኒውስ ዘገባ ከሆነ ሶማሊያ ተቀውሞዋን የገለፀችው ስምምነቱ የሶማሊያን ሉዑላዊነት የሚጥስ ነው በማለት ነው፡፡ እንደዘገባው ከሆነ በተደረሰው ስምምነት መሰረት ኢትዮጵያ 19 በመቶውን ድርሻ ስትወስድ ዲፒ ወርልድ በአንፃሩ 51 በመቶውን ይይዛል፡፡ ቀሪው 30 በመቶው በሶማሊላንድ እጅ ሆኖ ይቀጥላል፡፡ይሄንኑ የሶማሊያ ፌደራል መንግስትን የተቃውሞ አቋም የሶማሌላንድ ጠቅላይ ሚኒስትር ውድቅ አድርገውታል፡፡ ሶማሌላንድ የሶማሊያን እርስ በእርስ ግጭት ተከትሎ የሰይድ ባሬ መንግስት ከተወገደ በኋላ የራሷን ነፃነት ያወጀች ሀገር ናት፡፡


ሶማሌላንድ ከዚህም በተጨማሪ ራሷን ያደራጀች፣ የመገበያያ ገንዘብን ያሳተመችና የዓለም አቀፉ ማህበረሰብም ሀገራዊ እውቅና እንዲሰጣት በተደጋጋሚ ጥያቄ በማቅረብ ላይ ያለች ናት፡፡ ሆኖም የሶማሊያ ፌደራል መንግስት መቋቋሙን ተከትሎ ሶማሌላንድ የሶማሊያ አካል መሆኗን በተደጋጋሚ እየገለፀ ይገኛል፡፡


ዜናው ሰሞኑን በሰፊው መራገቡን ተከትሎም ‹‹ስምምነቱ የሶማሊያን ሉአላዊነት ይጥሳል›› በማለት የዓረብ ሊግ ግልፅ ተቃውሞውን ያሰማ መሆኑን ኦል አፍሪካን ዶት ኮም በዘገባው አስታውቋል፡፡ የሶማሊያው የውጭ ጉዳይ ሚኒስትር አህመድ አዋድ የአረብ ሊግን አቋም በደስታ ተቀብለውታል፡፡ በዚህ ዙሪያ በኢትዮጵያ መንግስትም ሆነ በዲፒ ወርልድ በኩል የተሰጠ አስተያየት የለም፡፡

ይምረጡ
(0 ሰዎች መርጠዋል)
2423 ጊዜ ተነበዋል

Sendek Newspaper

Bole sub city behind Atlas hotel

Contact us