You are here:መነሻ ገፅ»ዜና

መኢአድና ሰማያዊ ፓርቲ የአስቸኳይ ጊዜ አዋጅ መጣሉን ነቀፉ

Wednesday, 21 February 2018 11:38

 

በይርጋ አበበ

 

የመላው ኢትዮጵያ አንድነት ድርጅት (መኢአድ) እና ሰማያዊ ፓርቲ የሚኒስትሮች ምክር ቤት ሰሞኑን ያወጣውን የአስቸኳይ ጊዜ አዋጅ ነቀፉ፡፡


ሁለቱ ፓርቲዎች ትናንት በጋራ በሰጡት ጋዜጣዊ መግለጫ ‹‹አሁን አስቸኳይ ጊዜ አዋጅ ለማወጅ የሚያስገድድ አስገዳጅ ምክንያት የለም፡፡ በተለይ የታሰሩ ፖለቲከኞች እየተፈቱ ባሉበት በዚህ ወቅት ይህን አዋጅ ማውጣት ለብሔራዊ መግባባት የሚደረገውን እንቅስቃሴ ወደኋላ ይጎትተዋል›› ብለዋል፡፡ አሁን እረፍት ላይ ያለው የህዝብ ተወካዮች ምክር ቤትም ወደ ስራ ሲመለስ የሚኒስትሮች ምክር ቤት የሚያቀርበውን አዋጅ ሊያጸድቀው አይገባም ብለዋል፡፡


መኢአድና ሰማያዊ በመግለጫቸው አክለውም ‹‹ህዝቡ እየጠየቀ ያለው የስርዓት ለውጥ እንጂ የጠቅላይ ሚኒስትር መነሳት አይደለም፡፡ በመሆኑም ኢህአዴግ የህዝቡን ጥያቄ ሊቀበል እንጂ በለመደው ጥገናዊ ለውጥ ስልጣኑን ይዞ ለመቀጠል የሚያደርገው ጥረት ለአገሪቱም ለራሱ ለኢህአዴግም አይበጅም›› በማለት ገልጸዋል፡፡


ሁለቱ ፓርቲዎች ኢትዮጵያ አሁን ከገጠማት ችግር እንድትወጣ ሁሉን አቀፍ ውይይት እንዲደረግ ጥሪ ያቀረቡ ሲሆን ‹‹ኢህአዴግ በያዘው መንገድ ለውጥ አይመጣም›› ብለዋል፡፡

 

ይምረጡ
(1 ሰው መርጠዋል)
3162 ጊዜ ተነበዋል

Sendek Newspaper

Bole sub city behind Atlas hotel

Contact us