ዘመናዊ የሕንጻ ኢንዱስትሪ ኩባንያ የመልሶ ግንባታውን አስመረቀ

Wednesday, 14 February 2018 11:48

ለሁለት ግዜያት ያህል የእሳት ቃጠሎ ውድመት የደረሰበት ዘመናዊ የሕንጻ ኢንዱስትሪ ኃ/የተ/የግል ማህበር ያከናወነውን የመልሶ ግንባታ የምረቃ ሥነሥርዓት ቅዳሜ የካቲት 3 ቀን 2010 ዓ.ም ኩባንያው በሚገኝበት ገላን ከተማ አከናወነ።

 

በሚድሮክ ቴክኖሎጂ ግሩፕ ሥር የሚገኘው ዘመናዊ የሕንጻ ኢንዱስትሪ ኃ/የተወሰነ የግል ማህበር በገላን በሚገኙ ፋብሪካዎቹ ላይ በመጋቢት ወር 2007 ዓ.ም እና በሰኔ ወር 2009 ዓ.ም የቃጠሎ አደጋ ገጥሞት የነበረ ሲሆን የደረሱትንም ጉዳቶች መልሶ ለመጠገን ለመጀመሪያው ቃጠሎ 124 ሚሊየን ብር፣ ለሁለተኛው ቃጠሎ 16 ሚሊየን ብር በድምሩ 140 ሚሊየን ብር አውጥቷል።


ዶ/ር አረጋ ይርዳው የሚድሮክ ቴክኖሎጂ ግሩፕ ቺፍ ኤግዚኪዩቲቭ ኦፊሰር በሥነሥርዓቱ ላይ ተገኝተው ባደረጉት ንግግር ኩባንያው የቃጠሎ አደጋ በገጠመው ወቅት ከፍተኛ ርብርብ ላደረገው የገላን ከተማ ሕዝብ፣ የአስተዳደር፣ የፖሊስና መከላከያ ሠራዊት አባላት እንዲሁም ለኩባንያው ሠራተኞችና የማኔጅመንት አባላት ምሥጋና አቅርበው ሠራተኛው በቀጣይ መሰል አደጋ እንዳይገጥም በንቃት ኩባንያውን እንዲጠብቁ አሳስበዋል።


የኩባንያው ሥራ አስኪያጅ አቶ ይድነቃቸው መኮንን በበኩላቸው ኩባንያው በሁለቱም ቃጠሎዎች ከፍተኛ ጉዳት ደርሶበት የነበረ ቢሆንም አንድም ሠራተኛ ሳይቀነስ፣ የክፍያ ችግር ሳይገጥም እና ለሠራተኛው የሚሰጠው ዓመታዊ ጭማሪም ሆነ ልዩ ጥቅም ሳይቋረጥ ዳግም ድርጅቱን ወደነበረበት ለመመለስ መቻሉን አስረድተዋል። ኩባንያው ችግር በገጠመው ወቅት አስተዋፅኦ ያደረጉ የኩባንያው ሠራተኞች፣ የሚድሮክ ቴክኖሎጂ ግሩፕ አባል ድርጅት ሠራተኞች እንዲሁም የሠራዊቱ አባላትና ለአስተዳደር አካላት የምሥጋና ሽልማት ሰጥቷል።


ዘመናዊ የሕንጻ ኢንዱስትሪ ኃ/የተ/የግል ማህበር በአፋር ክልል የሚገኘውን የፊለር ፋብሪካ በመያዝ በሚያዚያ ወር 1987 ዓ.ም በ21 ሚሊየን ብር የተከፈለ ካፒታል የተቋቋመ እና በ1992 ዓ.ም የሚድሮክ ቴክኖሎጂ ግሩፕ በዶ/ር አረጋ ይርዳው ሲቋቋም ከመሥራች አምስት ኩባንያዎች አንዱ እንደነበር ተወስቷል። ኩባንያው በገላን ከተማ 50 ሺ ካሬ ሜትር ቦታ ላይ አራት ፋብሪካዎችን ማለትም የቀለም ፋብሪካ፣ የኳርትዝ የወለል ንጣፍ ፋብሪካ፣ የኮንክሪት ማምረቻ ፋብሪካ እና የቀለም ጣሳ ፋብሪካዎችን ይዟል።


ኩባንያው በአሁኑ ወቅት ከ500 በላይ ሠራተኞችን በማቀፍ የተከፈለ ካፒታሉን ወደ 250 ሚሊየን ብር ያሳደገ ሲሆን የዓመት ሽያጩም ከግማሽ ቢሊየን ብር በላይ ደርሷል።

ይምረጡ
(0 ሰዎች መርጠዋል)
1930 ጊዜ ተነበዋል

ድርጅትዎ ያስተዋውቁ!

  • Advvrrt4.jpg

እዚህ ያስተዋውቁ!

  • Aaddvrrt5.jpg
  • adverts4.jpg
  • Advertt1.jpg
  • Advertt2.jpg
  • Advrrtt.jpg
  • Advverttt.jpg
  • Advvrt1.jpg
  • Advvrt2.jpg

 

Advvrrt4

 

 

 

 

Who's Online

We have 1007 guests and no members online

Sendek Newspaper

Bole sub city behind Atlas hotel

Contact us