You are here:መነሻ ገፅ»ዜና

የእናቶች ቀን

Wednesday, 17 May 2017 12:11

ሚድሮክ ቴክኖሎጂ ግሩፕ በቪዲዮ ኮንፈረንስ ቴክኖሎጂ በመታገዝ፣ በአዲስ አበባ መቻሬ ሜዳ በሚገኘው ዋና መ/ቤት እና የሚድሮክ ወርቅ ማዕድን ኩባንያ ለገደንቢ (ሻኪሶ) የሚገኙ ሠራተኞቹ በጋራ የእናቶች ቀንን አከበሩ።

 

ባለፈው ሳምንት ዓርብ ዕለት (ግንቦት 4 ቀን 2009 ዓ.ም) በተከናወነው ሥነሥርዓት ላይ ስለእናቶች ቀን የተለያዩ መጣጥፎች፣ አስተያየቶች፣ መወድሶች ቀርበዋል።

 

ዶ/ር አረጋ ይርዳው የሚድሮክ ቴክኖሎጂ ግሩፕ ቺፍ ኤግዚኪዩቲቭ ኦፊሰር በሥነሥርዓቱ ላይ ተገኝተው ባደረጉት ንግግር በዓለም ላይ “እናትነት” ሁሉንም የሚያስማማ መሆኑን አስታውሰዋል። በዓሉ በየዓመቱ በቴክኖሎጂ ግሩፑ እንዲከበር መወሰኑንም አብስረዋል። የእናትነት ክብርን በተመለከተ የማይረሳ ዜማ ላቀነቀነችው ድምፃዊ ብዙነሽ በቀለ በቀጣዩ ዓመት የመታሰቢያ ሐውልት የሚሠራበት ሁኔታ ለማመቻቸትም ዶ/ር አረጋ ቃል ገብተዋል።

 

በዕለቱ ለመጀመሪያ ጊዜ በሚድሮክ ቴክኖሎጂ ግሩፕ በሥራ ላይ የዋለው የቪዲዮ ኮንፈረንስ አማካይነት በለገደንቢ የሚገኙ ሠራተኞች በዓሉን በአዲስ አበባ ከሚገኙ ባልደረቦቻቸው ጋር በእኩል ሰዓት ለማክበር የቻሉ ሲሆን ቴክኖሎጂው በቀጣይ የቴክኖሎጂ ግሩፑን ሥራዎች ለማቀላጠፍ ትልቅ ድርሻ ይኖረዋል ተብሏል።

ይምረጡ
(0 ሰዎች መርጠዋል)
139 ጊዜ ተነበዋል

Sendek Newspaper

Bole sub city behind Atlas hotel

Contact us