You are here:መነሻ ገፅ»ዜና

የቀላል ባቡር ኤሌክትሪክ ሽቦዎችን የሰረቁ በእስራት ተቀጡ

Wednesday, 11 January 2017 14:06

ለአዲስ አበባ ቀላል ባቡር አገልግሎት የሚውል የኤሌክትሪክ ሽቦ በመቁረጥ ለግል ጥቅማቸው ሊያውሉ ሲሉ የተደረሰባቸው ሁለት ተከሳሾች ጥፋተኛ ሆነው በመገኘታቸው እስከ አራት ዓመት ከአምስት ወር በሚደርስ ፅኑ እስራት ተቀጡ። የፌዴራሉ ከፍተኛ ፍርድ ቤት ቦሌ ምድብ አራተኛ ወንጀል ችሎት ከትናንት በስቲያ (ጥር 1 ቀን 2009 ዓ.ም) የቅጣት ውሳኔውን አስተላልፏል።

የፌዴራሉ ዐቅቤ ሕግ በክስ መዝገቡ እንዳተተው ተከሳሾች ቅዱስ ያሬድ እና ሸረፈዲን አደም፤ ህዳር 15 ቀን 2007 ዓ.ም በቦሌ ክፍለ ከተማ ወረዳ 7 ክልል ውስጥ በሚገኘውና ሳሊተምህረት አደባባይ ተብሎ በሚጠራው አካባቢ ከሌሊቱ በ8፡00 ሰዓት ለአዲስ አበባ ቀላል ባቡር አገልግሎት የተዘረጋውን ኬብል ቆርጠው በፌስታል ሊወስዱ ስሉ በወቅቱ በስራ ላይ በነበሩ የፖሊስ አባላት እጅ ከፍንጅ መያዛቸውን ያትታል። እናም በፈፀሙት ከባድ የውንብድና ወንጀል ለፍርድ ቤት ያቀርባቸዋል።

የተመሠረተባቸውን ክስ ክደው የተከራከሩት ተከሳሾቹ፣ የዐቃቤ ሕግን የሰውና የሰነድ ማስረጃዎች በሚገባ ሊከላከሉ ባለመቻላቸው ችሎቱ ጥፋተኛ ብሏቸዋል። በመሆኑም ፍርድ ቤቱ ከግራና ቀኝ የቀረቡትን የቅጣት ማቅለያና ማክበጃዎች መርምሮ አንደኛ ተከሳሽ ቅዱስ ያሬድ በ4 ዓመት ከ5 ወር እንዲቀጣ ሲወሰን፤ ሁለተኛ ተከሳሽ ሸረፈዲን አደም ደግሞ በ4 ዓመት ጽኑ እስራት እንዲቀጣ ሲል ወስኗል።¾

ይምረጡ
(0 ሰዎች መርጠዋል)
150 ጊዜ ተነበዋል

Sendek Newspaper

Bole sub city behind Atlas hotel

Contact us